Bonum Festum Sanctae Theresae

Christifidelibus lectoribus exopto./HGL

Albae, in Hispania, sanctae Teresiae Virginis, quae Fratrum ac Sororum Ordinis Carmelitarum arctioris observantiae mater exstitit et magistra.

Bonum Festum Sanctae Birgittae Viduae

Christifidelibus lectoribus exopto./HGL

23 Julii Romae natalis sanctae Birgittae Viduae, quae, post multas sanctarum locorum peregrinationes, divino afflata Spiritu, quievit. Ipsius autem festivitas octavo Idus Octobris celebratur.
7 Octobris In Suecia Translatio corporis sanctae Birgittae Viduae.
8 Octobris Sanctae Birgittae Viduae, cujus dies natalis decimo Kalendas Augusti, ac Translatio Nonis Octobris recensetur.

St Birgitta Hymn - Rosa Rorans Bonitatem
Trio Mediaeval | 24 July 2018
https://www.youtube.com/watch?v=l_zBA2zVsdY

Bonum Festum Sanctae Theresulae

Christifidelibus lectoribus exopto./HGL

30 Septembris Lexovii, in Gallia, item natalis sanctae Teresiae a Jesu Infante*, ex Ordine Carmelitarum Excalceatorum; quam, vitae innocentia et simplicitate clarissimam, Pius Undecimus, Pontifex Maximus, sanctarum Virginum albo adscripsit, peculiarem omnium Missionum Patronam declaravit, ejusque festum quinto Nonas Octobris recolendum esse decrevit.
3 Octobris Sanctae Teresiae a Jesu Infante, ex Ordine Carmelitarum Excalceatorum, Virginis, peculiaris omnium Missionum Patronae; cujus dies natalis pridie Kalendas Octobris recensetur.

* Hispani eam dicunt "Santa Teresita" quod latine vertitur Sanctam Theresulam.

Bonum Festum Sancti Michael Archangelis

Christifidelibus lectoribus exopto./HGL

In monte Gargano venerabilis memoria beati Michaelis Archangeli, quando ipsius nomine ibi consecrata fuit Ecclesia, vili quidem facta schemate, sed caelesti praestans virtute. Antisiodori sancti Fraterni, Episcopi et Martyris.

Bonum Festum Sancti Matthaei Apostoli

Christifidelibus lectoribus exopto./HGL

In Aethiopia natalis sancti Matthaei, Apostoli et Evangelistae; qui, in ea regione praedicans, martyrium passus est. Hujus Evangelium, Hebraeo sermone conscriptum, ipso Matthaeo revelante, inventum est, una cum corpore beati Barnabae Apostoli, tempore Zenonis Imperatoris.

Bonum Festum Sancti Augustini Hipponensis

Christifidelibus lectoribus exopto./HGL

Hippone Regio, in Africa, natalis sancti Augustini Episcopi, Confessoris et Ecclesiae Doctoris eximii, qui, beati Ambrosii Episcopi opera ad catholicam fidem conversus et baptizatus, eam adversus Manichaeos aliosque haereticos acerrimus propugnator defendit, multisque aliis pro Ecclesia Dei perfunctus laboribus, ad praemia migravit in caelum. Ejus reliquiae, primo de sua civitate propter barbaros in Sardiniam advectae, et postea a Rege Longobardorum Luitprando Papiam translatae, ibi honorifice conditae sunt.

Bonum Festum Sancti Bartholomaei Apostoli

Christifidelibus lectoribus exopto./HGL

Sancti Bartholomaei Apostoli, qui Christi Evangdlium in India praedicavit; inde in majorem Armeniam profectus, ibi, cum plurimos ad fidem convertisset, vivus a barbaris decoriatus est, atque, Astyagis Regis jussu, capitis decollatione martyrium complevit. Ipsius sacrum corpus, primo ad Liparam insulam, deinde Beneventum, postremo Romam ad Tiberinam translatiun insulam, ibi pia fidelium veneratione honoratur.

Bonum Festum Sanctae Radegondis Reginae

Christifidelibus lectoribus exopto./HGL

Pictavis, in Gallia, sanctae Radegundis Reginae, cujus vita miraculis et virtutibus claruit.

Bonum Festum Sanctae Clarae Virginis

Christifidelibus lectoribus exopto./HGL

Sanctae Clarae Virginis, primae plantae Pauperum Dominarum Ordinis Minorum; quae ad aeternas Agni nuptias evocata est pridie hujus diei.

Bonum Festum Sancti Laurentii

Christifidelibus lectoribus exopto./HGL

Romae, via Tiburtina, natalis beati Laurentii Archidiaconi, qui, in persecutione Valeriani, post plurima tormenta carceris, verberum diversorum, fustium, ac plumbatarum et laminarum ardentium, ad ultimum, in craticula ferrea assatus, martyrium complevit; ejusque corpus a beato Hippolyto et Justino Presbytero sepultum fuit in coemeterio Cyriacae, in agro Verano.

Bonum Festum Transfigurationis Domini

Christifidelibus lectoribus exopto./HGL

In monte Thabor Transfiguratio Domini nostri Jesu Christi.

Introit for the Transfiguration of the Lord: Tibi dixit cor meum
Floriani Sacred Music | 18 Aug. 2023
https://www.youtube.com/watch?v=-NWcnncSKd0

Sur la fête

6 août : Transfiguration de Notre-Seigneur
+†+Yesus Kristus azu+†+ | 6.VIII.2026
https://philosophieduchristianisme.wordpress.com/2023/08/06/6-aout-transfiguration-de-notre-seigneur/

Bonum Festum Sancti Dominici de Guzmán

Christifidelibus lectoribus exopto./HGL

6.VIII Bononiae natalis sancti Dominici Confessoris, qui Ordinis Fratrum Praedicatorum Fundator exstitit. Hic vir, sanctitate et doctrina clarissimus, virginitatem perpetuo illibatam custodivit, et, ob singularem meritorum gratiam, tres mortuos suscitavit; cumque praedicatione sua compressisset haereses, ac plurimos ad religiosam et piam vitam instituisset, in pace quievit. Ejus autem festivitas pridie Nonas mensis hujus celebratur, ex constitutione Pauli Papae Quarti.
4.VIII Sancti Dominici Confessoris, qui Ordinis Fratrum Praedicatorum Fundator fuit, atque octavo Idus mensis hujus in pace quievit.

Bonum Festum Sanctae Marthae

Christifidelibus lectoribus exopto./HGL

Tarasci, in Gallia Narbonensi, sanctae Marthae Virginis, hospitae Salvatoris nostri ac sororis beatorum Mariae Magdalenae et Lazari.

Bonum Festum Sancti Iacobi Apostoli

Christifidelibus lectoribus exopto./HGL

Sancti Jacobi Apostoli, qui exstitit beati Joannis Evangelistae frater; et, prope festum Paschae ab Herode Agrippa decollatus, primus ex Apostolis coronam martyiii percepit. Ejus sacra ossa, ab Hierosolymis ad Hispanias hoc die translata, et in ultimis earum finibus apud Gallaeciam recondita, celeberrima illarum gentium veneratione, et frequenti Christianorum conctirsu, religionis et voti causa illuc adeuntium, pie coluntur.

Bonum Festum Sanctae Christinae

Christifidelibus lectoribus exopto./HGL

Tyri, apud lacum Vulsinium, in Tuscia, sanctae Christinae, Virginis et Martyris. Haec Virgo, cum patris idola aurea et argentea, in Christum credens, comminuisset atque illorum fragmina pauperibus erogasset, ejusdem patris jussu verberibus dilaniata est, aliisque suppliciis dirissime cruciata, et cum magno saxi pondere in lacum projecta, sed ab Angelo liberata; deinde, sub alio Judice, patris sui successore, acerbiora tormenta constanter pertulit; novissime, sub Juliano Praeside, post fornacem ardentem, ubi quinque diebus illaesa permansit, post serpentes virtute Christi superatos, martyrii sui cursum abscissione linguae et sagittarum infixione complevit.

Bonum Festum Sanctae Mariae Magdalenae

Christifidelibus lectoribus exopto./HGL

Apud Massiliam, in Gallia, natalis sanctae Mariae Magdalenae, de qua Dominus ejecit septem daemonia, et quae ipsum Salvatorem a mortuis resurgentem prima videre meruit.

Bonum Festum Sanctae Elisabeth

Christifidelibus lectoribus exopto./HGL

4 Julii | Stremotii, in Lusitania, natalis sanctae Elisabeth Viduae, Lusitanorum Reginae, quam, virtutibus et miraculis claram, Urbanus Octavus, Pontifex Maximus, in Sanctorum numerum retulit. Ejus tamen celebritas octavo Idus mensis hujus recolitur, ex dispositione Innocentii Papae Duodecimi.
8 Julii | Sanctae Elisabeth Viduae, Lusitanorum Reginae, quae ad regnum caeleste quarto Nonas hujus mensis transivit.

Bonum Festum Sanctorum Apostolorum Petri et Pauli

Christifidelibus lectoribus exopto./HGL

Romae natalis sanctorum Apostolorum Petri et Pauli, qui eodem anno eodemque die passi sunt, sub Nerone Imperatore. Horum prior, in eadem Urbe, capite ad terram verso cruci affixus, et in Vaticano juxta viam Triumphalem sepultus, totius Orbis veneratione celebratur; posterior autem, gladio animadversus, et via Ostiensi sepultus, pari honore habetur.

Bonum Festum Sancti Ioannis Baptistae

Christifidelibus lectoribus exopto./HGL

Nativitas sancti Joannis Baptistae, Praecursoris Domini, ac sanctorum Zachariae et Elisabeth filii, qui Spiritu Sancto repletus est adhuc in utero matris suae.